AKR Dega në Gjilan, ka formuar shtabin zgjedhor

Gjilan – Për t`i dhënë intensitet aktiviteteve dhe organizimeve për zgjedhjet lokale të 22 tetorit 2017 Kryesia e Degës nga mbledhja e fundit ka formuar shtabin zgjedhor në kuadër të përgatitjeve për fillimin e fushatës zgjedhore dhe përcaktimin e agjendës së aktiviteteve. Me aklamacion nga anëtarët e kryesisë u votua që shtabin zgjedhor ta udhëheq znj.Vana Jerliu Ramadani, njëherit edhe anëtare e kryesisë në nivel qendror, e cila është zotuar që këtë proces do ta udhëheq me përgjegjshmëri të lartë dhe nga ky shtab do të dalin edhe shumë projekte të cilat do të jenë në dobi të qytetarëve gjila

Shtabi zgjedhor do të ketë edhe departamentet e tij me njerëzit me përvojë të gjatë në organizimin e zgjedhjeve, që do të jenë udhëheqës të këtyre departamenteve siç janë: departamenti për marrëdhënie me publikun, departamenti për platformën zgjedhore lokale, departamenti i logjistikës, departamenti i vullnetarëve, departamenti për legjislacion parashtresa dhe ankesa, departamenti i ruajtjes së votës komisionarët dhe vëzhguesit, departamenti i kandidatëve për asamble komunale, departamenti për agjendë dhe aktivitete. Jemi të bindur se me organizimin dhe prezantimin e planeve, projekteve që do t`ia ofrojmë qytetarëve përmes kandidatëve tanë për asamblenë komunale kemi me qenë alternativa e vetme serioze për një Gjilan ma ndryshe dhe me perspektive për të gjithë qytetarët thuhet në njoftimin e sekretarit të Degës, Arianit Ibrahimit./rajonipress/