Thaçi: Implementimi i marrëveshjes, sfidë për ne

Sot, në mbledhjen e qeverisë u miratua nënshkrimi i marrëveshjes së parimeve që normalizojnë marrëdhënien midis Kosovës dhe Serbisë.

Kryeministri Thaçi pasi ka falënderuar deputetët e Kuvendit të Kosovës për mbështetjen që i dhanë mbrëmë marrëveshjes për normalizimin e marrëdhënieve mes Kosovës dhe Serbisë, ka thënë se faza e implementimit nuk do të jetë e lehtë.

“Kemi përpara sfidën e implementimit të cilën duhet të angazhohemi të gjithë, ftoj qytetarët e veriut të mos i frikësohen kësaj marrëveshje sepse është në interesin e tyre, në interesin e sigurisë, rritjes së mirëqenies sociale, të zhvillimit ekonomik, në interesin e së ardhmes dhe në interesin e rajonit dhe vlerave euroatlantike”, ka thënë Thaçi.

Pos tjerash, Thaçi ka theksuar se në në ditët e ardhshme do të caktohen periudhat kohore të implementimit dhe akterët e implementimit që janë Qeveria e Kosovës, EULEX dhe KFOR./Indeksonline/