Marrëveshja për veriun, antikushtetuese!

Eksperti i çështjeve kushtetuese, Riza Smaka, konsideron se marrëveshja e arritur në Bruksel, në mes të Kosovës dhe Serbisë, e cila ka për qëllim zgjidhjen e problemit të veriut të vendit tonë, është në kundërshtim me Kushtetutën e Kosovës.

“Në Kushtetutën tonë, Republika e Kosovës është republikë demokratike e qytetarëve, ndërsa këtu po del në kundërshtim me shtetin e qytetarëve, sepse po del në baza etnike”, ka thënë Smaka.

Në një intervistë për Tribunën, si njëri nga hartuesit e Kushtetues së Kosovës, ai ka vlerësuar se kjo marrëveshje është një “Ahtisaari plus”, pasi sipas tij, më këtë marrëveshje serbët në veri po fitojnë ekstra privilegje.

“Ka ligje në bazë të Kushtetutës që serbëve në Kosovë u jepen autorizime me tepër se atyre që jetojnë në Shumadi”, ka thënë Smaka.

Duke folur rreth mundësisë së ratifikimit të marrëveshjes në Kuvend, ai ka kërkuar që një gjë e tillë mos të bëhet, derisa Kuvendi i Serbisë të mos e bëjë paraprakisht këtë gjë (Tribuna).