Thaçi duhet të largohet nga skena politike

Deputeti i Vetëvendosjes, Rexhep Selimi, i ka bërë thirrje bashkëluftëtarit të tij Hashim Thaçi, tash kryeministër, që të largohet nga skena politike.

Dëmet që ia ka sjellë Thaçi Kosovës nga dialogu me Serbinë, sipas Selimit, janë të pariparueshme. “Hashim Thaçi nuk do të duhej që për hir të një karriere mbi fatin e keq të Kosovës, të vazhdojë të jetë në skenën politike. Së paku ai do të duhej që para dëmit të madh për Kosovën dhe dëmit në karrierën e vet, ta zgjidhte këtë të dytën”.

Gjatë një interviste për gazetën “Tribuna”, Selimi u ka dhënë përgjigje edhe pyetjeve të kryeministrit, i cili ditë më parë, duke aluduar në deklaratat e opozitës, ka pyetur se ku është “Republika Srpska”.

Ai po ashtu ka folur edhe për zhvillimet në Ministrinë e Punëve të Brendshme, debatin në Kuvend, “bizneset e tij”, por edhe për procesin e verifikimit të veteranëve të UÇK-së (Tribuna).