Mehmeti demanton Vetëvendosjen

Gjilan – Behar Mehmeti drejtor i shërbimeve publike ka demantuar akuzat e Vetëvendosjes rreth asfaltimit në rrugën e “Gjinollëve”.Mehmeti në sqarim thotë VV nuk është e saktë e as profesioniste në vlerësimet e tilla, meqë gjendja në teren duket krejt ndryshe.

Behar Mehmeti drejtor i shërbimeve publike duke mos u pajtuar me konstatimet e VV rreth asfaltimit në rrugën e “Gjinollëve” ka dhënë sqarime shtesë dhe profesionale mbi punët e kryera dhe mbikëqyrjen e kësaj rruge.

“Ndjej obligim ndaj qytetarit, që të sqarohemi në lidhje me rrugën e “ Gjinollëve”, në matjet e bëra nga VV. DSHP-ja ( Drejtoria për Shërbime Publike ), në kuadër të vetin ka edhe mirëmbajtjen verore të rrugëve. VV i rekomandojmë të jetë e saktë në matje , e për cilësi ( kualitet ) të asfaltit të dëshmojë me ateste ( të dhëna laboratorike ) duke pasur parasysh edhe kushtet teknike dhe karakterin e aktivitetit përkatës” ( në këtë rast asfaltin ).

Mehmeti tha se pa dashur të arsyetohemi, por me qëllimin më të mirë të sqarimit për qytetarin, ju prezantojmë tërë aktivitetin e mirëmbajtjes verore të kësaj rruge.

Sipas Mehmetit e para aktivitetet e asfaltimit janë përcjellë nga mbikëqyrësit, në rastin konkret edhe rruga në fjalë, rekomandimet e drejtorisë kanë qenë të mbulohen vetëm gropat, por me insistimin e qytetarëve është kërkuar që të mbulohet me një shtresë nga asfaltbetoni. Kushtet teknike ( gjeometria e rrugës ) ka lejuar maksimum shtresën 3 cm të asfaltbetonit në mënyrë që mos të ndikoj në evakuimin ( rrjedhjen normale ) të ujërave atmosferik nga të reshurat, dhe kuotat e rrugës mos të jenë më të larta se kuotat e trotuarit dhe hyrjeve në hapësirat e mbyllura.

Mehmeti tha se mbistruktura e rrugës ekzistuese ( valeri ) ka qenë me deformime të theksuara ±5 cm, dhe mos ta habitë fakti VV që mund të hasë në shtresën 1 cm , por është e pandershme të mos e matë edhe trashësinë përmes mostrave të asfaltit ekzistues ku ka me hasur edhe deri në 5 cm, kështu që mesatarja e shtresës së asfaltbetonit i bie të jetë mbi 3 cm, por kisha sugjeruar të mos bëheni merak shumë për sasinë e asfaltit të shtruar sepse ajo pranohet në punishte me tonë nga mbikëqyrësit dhe përgjegjësia bie mbi ta.

E dyta, sipërfaqet e dëmtuara nuk janë as 5% i sipërfaqes totale të shtruar, e duke i pasur parasysh të gjitha përkufizimet teknike dhe karakterin e mirëmbajtjes që janë të përkohshme në shërbim ( dhe në të ardhmen trajtimin komplet të rrugës ), rezulton që nuk do të ishte shumë i arsyeshëm investimi ( shpenzimi ) për një kohë afatshkurtër.

“Nga kjo determinon që VV duhet të konsultohet me profesionalistë të fushës përkatëse dhe le ta lexojë kenaqshmerinë e qytetarëve te raporti i vitit 2012 të hartuar nga USAID-i dhe MAPL për cilësinë dhe gjendjen e rrugëve dhe aty i ka të dhënat nga vet prononcimi i qytetarëve dhe të përdorë peshoren e bazhdaruar saktë të ngarkuar me punë të mira , pse jo edhe të këqija dhe nëse donë ta lexoj drejt me siguri se do të jetë e demantuar” tha Mehmeti./rajonipress/