Makolli: Nuk dalim prej koalicionit me PDK-në

Nënkryetari i Aleancës për Kosovë të Re (AKR), Ibrahim Makolli në një prononcim për Telegrafin ka deklaruar se Koalicioni për Kosovë të Re (KKR) nuk do të largohet nga koalicioni qeveritar me Partinë Demokratike të Kosovës, pasi sipas tij, janë duke bërë punë të mirë me partnerin qeverisës.

Makolli tha se shkrimet që po qarkullojnë lidhur me prishjen e koalicionit me PDK-në janë spekulime të mediave, dhe sipas tij, këto janë formula që dikujt i konvenojnë dhe i ka në kokë.

Sipas tij, në takimin e zhvilluar në mes të krerëve të PDK-së dhe KKR-së, para disa ditëve në vilën e Behgjet Pacollit në Hajvali, është biseduar për format e bashkëpunimit, se si do të vazhdojnë në të ardhmen.

“Liderët pritet që prapë të takohen dhe të merren vesh për plotësimin dhe ndryshimin e dikastereve qeveritare”, ka deklaruar Makolli. /Telegrafi/