Kocijancic: Bisedimet janë në një fazë vendimtare

Dialogu në mes të kryeministrave të Kosovës dhe Serbisë është në fazën më vendimtare dhe se të dyja palët duhet të jenë më konstruktive që të arrihen marrëveshje.
Kështu ka thënë për Radion Evropa e Lirë, Maja Kocijancic, zëdhënëse e shefes për Politikë të Jashtme të BE-së, Catherine Ashton.

“Është e qartë se cilët do të jenë hapat e mëtutjeshëm. Nuk kemi edhe shumë kohë , për këtë janë në dijeni edhe kryeministrat.

“Është duke u punuar që të arrihet deri të një progres”, ka thënë Kocijancic, duke shtuar se edhe përkundër kësaj, është e vështirë të dihet se kur ky dialog do të mund të përfundojë.

Ajo ka shtuar se të gjitha marrëveshjet e arritura dhe ato që do të arrihen, janë në pajtim me qëndrimin e të dyja palëve. /Telegrafi/