Kundër bashkimit me Kosovën, 25 për qind e shqiptarëve

Për bashkim me Kosovën janë deklaruar 61 për qind e shqiptarëve në Shqipëri, ndërsa 1/4 ose 25 për qind janë kundër kësaj ideje. 14 për qind e të anketuarve janë shprehur se nuk kanë as qëndrim pro dhe as kundër.

Ky është rezultati i sondazhit të organizuar nga fondacioni “Kult”, ku janë pyetur 1200 persona, transmeton Shekulli online.

Një sondazh i tillë vjen kur partitë politike në Shqipëri në prag të zgjedhjeve parlamentare kanë intensifikuar retorikën nacionaliste.

Aleanca Kuqezi është një nga forcat politike e cila ka nisur edhe mbledhjen e firmave për organizimin e një referendumi në Shqipëri për bashkimin me Kosovën. Kurse kjo e fundit e ka të ndaluar me Kushtetutë bashkimin me një shtet tjetër. /Telegrafi/