Ahmadinejad e dërgon këshilltarin në burg, kritikoi mbulesën e grave

Një prej këshilltarëve më të afërt të presidentit të Iranit, Mahmoud Ahmadinejad, i cili njëkohësisht është edhe udhëheqës i agjencisë së lajmeve shtetërore IRNA, është arrestuar në Teheran derisa shefi i tij ndodhej në New York.

Sipas IRNA-s, drejtori Ali Akbar Javanfekr është arrestuar në kohën kur presidenti iranian Ahmadinejad po mbante fjalimin e tij në Asamblenë e Përgjithshme të Këshillit të Sigurimit në New York, raporton Rel.

Sipas agjencisë, Javanfekr sapo është arrestuar është dërguar në burgun Evin në Teheran, ku do ta mbajë dënimin prej 6 muajsh, nën akuzat për publikimin e materialeve ofenduese të kodeve islamike dhe moralit publik.

Akuzat erdhën pas publikimit të një artikulli në një revistë të kontrolluar po ashtu nga Javanfekri, i cili artikull ishte kritik ndaj idesë që gratë iraniane ishin të detyruara të mbanin mbulesa.