Kosova t’i përmbushë kushtet për liberalizim të vizave

Komisioneri për Zgjerim i Bashkimit Evropian (BE), Stefan Fyle, në seancën plenare të Parlamentit Evropian (PE) ka thënë se Kosova duhet të plotësojë disa kushte paraprake për të përfituar liberalizimin e vizave.

Ai gjithashtu, tha se Serbia duhet të stabilizojë marrëdhëniet me Kosovën, në mënyrë që të bëjë përpara drejt integrimit në Bashkimin Evropian.

Ndërsa eurodeputetja sllovene, Tanja Fajon, ka thënë se BE-ja duhet të bëjë të pamundurën që edhe Kosova të hyjë në zonën “Shengen”. Pjesa më e madhe e eurodeputetëve u shprehën se është e rëndësishme të çojnë përpara marrëveshjen e Stabilizim-Asociimit mes Serbisë dhe Kosovës, transmeton “Epoka e re”.

Eurodeputetët e kanë përshëndetur dialogun Prishtinë-Beograd dhe të arriturat në këtë proces. Kësaj radhe kishte shumë deputetë, të cilët kërkonin njohjen e Kosovës nga 5 shtetet anëtare që nuk e kanë bërë këtë, duke thënë se pavarësia tashmë është realitet. Disa deputetë të PE-së kërkuan që Serbia të heqë Kosovën nga Kushtetuta e saj. /Telegrafi/