LDK-ja ka mbetur e pareformuar
RajoniPress
09:18, 23 Dhjetor, 2013
Me rastin e 24-vjetorit të themelimit të LDK-së ka folur një ndër themeluesit, ish- lideri i saj, Fatmir Sejdiu.Sejdiu ka thënë se LDK-ja kishte përgjegjësinë kryesore për t’i organizuar shqiptarët për lirinë dhe pavarësinë e Kosovës. Ndërkohë që, thekson se nuk është i kënaqur me njerëzit të cilët flasin për ruajtjen e filozofisë rugoviane pasi, sipas tij, ka shpërdorime me personalitetin dhe veprën e presidentit Rugova.
Sejdiu ka thënë se LDK-ja ka mbetur e pareformuar dhe me largimin e tij nga pozita e kryetarit nuk është bërë asgjë në këtë drejtim.
Sejdiu ka thënë se tendenca për të krijuar probleme aty ku nuk ka, dhe për t’i fshehur problemet ku ekzistojnë mund të jenë pasoja serioze në zgjedhjet e ardshme parlamentare për LDK-në. Sejdiu , konsideron se rasti i humbjes së Prishtinës tregon se janë këputur shumë hallka thelbësore të frymës reale politike të LDK-së./Epoka e re/
