Kosova, çerdhe e korrupsionit

Të mëdhenjtë më nuk e kanë monopolin e korrupsionit. Atë e kanë instaluar në të gjitha strukturat shoqërore. Madje, edhe në universitete, aty ku do të duhet të “predikohej” e kundërta.

Gjatë kësaj kohe Agjencia Kundër korrupsionit ka trajtuar qindra raste të korrupsionit. Janë ngritur aktakuza dhje janë mbajtur gjykime si rezultat i punës së AKK’së.

Hasan Preteni, udhëheqës i kësaj agjencie ka mësuar thuajse të gjitha mënyrat e korrupsionit. Më së shumti sipas tij zhvillohet në tenderët publik.

“Mënyra më e shpeshtë e paraqitjes së korrupsionit është në fushat e prokurimit publik, mosrespektimi i procedurave dhe anashkalimi i plotë i tyre”, ka thënë Preteni për Kohën Ditore.

Kosova as këtë vit nuk ka zënë vend të kënaqshëm në indeksin e perceptimit të korrupsionit të organizatës Transparency International për vitin 2013.

Këtë vit vendi ynë renditet në vendin e 111 të grupit të shteteve më të korruptuara.