Sadiku zyrtarisht i Zurichut deri më 2018

Sulmuesi shqiptar ka firmosur edhe zyrtarisht kontratën e tij me skuadrën e njohur zvicerane që hyn në fuqi më 1 janar të vitit 2014.

Armando Sadikun, pas përfundimit të obligimeve me kombëtaren shqiptare, në ndeshjen miqësore me Bjellorusinë në Antalia (0:0), kur është kthyer në Zvicër çdo gjë e ka pritur për të firmosur zyrtarisht kontratës me skuadrën e Zurichut.

Futbollisti shqiptar në vitet e fundit ishte pjesë e Luganos në kategorinë e dytë të futbollit zviceran, ku në 80 paraqitje ka shënuar 52 gola.

22 vjeçaro ka nënshkruar kontratën prej 4.5 vite, e cila hyn në fuqi më 1 janar 2014 dhe zgjat deri në qershor të viti 2018.

Sadiku te Zurich do të gjejë bashkëlojtarin e tij të kombëtares, Burim Kukeli një ndër mesfushorët e rëndësishëm të FCZ-së.

Ai deri më tani ka shënuar 9 paraqitje të kombëtaren shqiptare dhe ka shënuar një gol. /Sporti1/Telegrafi/