Pianoja, pasioni i ri i Zonjës së Parë

Odeta Nishani, Zonja e Parë e Republikës së Shqipërisë ka rrëfyer këtë mesjavë në programin “Vizioni i Pasdites” në “Vizion Plus”, pasionin e saj të madh për pianon.

Në një bisedë me Anila Çelën, bashkëshortja e Presidentit ka treguar se momentet e saj të relaksit janë pikërisht ato kur ulet mbi piano dhe ndjen melodinë e ëmbël të notave. Siç ka pohuar vetë, aktualisht është duke ndjekur një kurs pianoje bashkë me të bijën, Fiona Nishani.

Zonja e Parë ka rrëfyer gjatë programit, edhe shumë detaje të tjera nga jeta brenda dhe jashtë dyerve të Presidencës.