Linda mendon për “The Voice of USA”

Linda Halimi është duke shqyrtuar mundësinë që të konkurrojë në versionin amerikan të spektaklit për talentë, “The Voice”. “Çfarë mendoni për ‘The Voice’, a ia vlen të provoj këtë vit në SHBA?”, i ka pyetur këngëtarja fansat e saj në Facebook.

“Ndonëse nuk lënë më përshtypje këto lloje të garave për mua! Mendoj se janë për artistë që janë në fillimet e tyre. Mirëpo ftesa e bërë nga ekzekutivët, më tundon pak…. Çfarë mendoni miq të mi?”, ka shtuar ajo.

Shumica e komentuesve i kanë propozuar Lindës që të marrë pjesë në atë spektakël duke e konsideruar si një mundësi shumë të mirë për të promovuar vlerat e saj vokale, si dhe për t’u bërë atje një figurë e njohur e ekranit. /Telegrafi/