Berisha në radarin e Tottenhamit

Valmir Berisha ka zgjuar interesimin e shumë skuadrave pas paraqitjeve të shkëlqyeshme me Suedinë në kampionatin Botëror U-17.Pas ekipit suedez Hammarby, interesim për sulmuesin kosovar ka shprehur edhe skuadra angleze Tottenham, raporton tabloidit britanik Daily Mirror.

Sipas këtij tabloidit, ekipi i Andre Vila Boasit është i gatshëm t’i shpenzoj 500 mijë funte për Zlatan Ibrahimoviçin e ri.

Ndërkohë, ditë më parë menaxher i sulmuesit të Halmstadsit, Anders Karlsson ka konfirmuar se për Berishën ka shumë skuadra të interesuara.

Berisha ka shënuar shtatë gola në Kampionatin Botëror U-17, i cili është mbajtur në Emiratet e Bashkuara Arabe, dhe është zgjedhur golashënuesi më i mirë i këtij evenimenti.