Motoristët me Lutën

Gjilan – Kandidati i Lidhjes Demokratike të Kosovës për kryetar të Gjilanit, Lutfi Haziri, ka marrë mbështetje maksimale nga klubi i motoristëve “Real Bikers”, gjatë vizitës që i bëri këtij klubi.

Ata vlerësuan lartë kontributin e zotëri Hazirit, në të gjitha nivelet e qeverisjes, e veçanërisht sa ishte kryetar i Gjilanit, duke u shprehur të bindur se me Hazirin kryetar, Gjilani do të kthehet në binarë të duhur në të gjitha aspektet.

Pasi ka falënderuar për përkrahjen, kreu LDK-së në Gjilan, ka deklaruar se ka në program subvencionimin e të gjitha klubeve në Gjilan, ndër të cilat, edhe klubin “Real Bikers”.

“Ne do të ruajmë dhe do të përkrahim aktivitetet e klubit tuaj. Do t’ju ndihmojmë duke ju subvencionuar, për të pasur më të lehtë aktivitetet tuaja. Klubi i motoristëve “Real Bikers” ka krijuar një identitet tashmë në Gjilan dhe meritoni t’ju përkrahjen e komunës”, është shprehur kryetari Haziri./rajonipress/