Haliti takon nxënësit e shkollës të mesme të ulët “Nazmi Pajaziti” nga Radivojci

Viti – Kryetari i Komunës së Vitisë, Sokol Haliti dhe Qahil Sinani, Drejtor i Drejtorisë Komunale të Arsimit në Viti, kanë pritur sot në vizitë nxënësit e shkollës së mesme të ulët “Nazmi Pajaziti” nga fshati Radivojcë, në krye me drejtorin e kësaj shkolle, Nezir Hasani të shoqëruar edhe nga disa arsimtar.

Gjatë kësaj vizite nxënësit janë njohur për së afërmi nga kryetari Haliti mbi punën e institucioneve komunale të Vitisë për zhvillimet e gjithëmbarshme në veçanti për projektet në arsim, por edhe për projektet dhe aktivitetet të cilat janë në interes të grup moshës së re si në kulturë, rini dhe sport.

Ndër tjerash kryetari Haliti dhe Drejtori Sinani ju janë përgjigjur pyetjeve të shumta të nxënësve të kësaj shkolle.

Kurse në fund ata kërkuan nga të rinjtë që të ju kushtojnë një rëndësi të veçantë mësim nxënies pasi që institucionet komunale të Vitisë në bashkëpunim me partnerët e saj do të mbesin të përkushtuar të krijojnë kushte sa më të mira për nxënësit dhe të rinjtë por edhe për të gjitha grup moshat dhe shtresat e shoqërisë./rajonipress/