Rrëfehet Adnan Januzaj!

E ardhmja e Adnan Januzajst është bërë subjekt i spekulimeve të shumta pas paraqitjes së tij impresionuese, kundër Sunderlandit ku shënoi dy gola.

Megjithatë 18 vjeçari, ka thënë se për momentin është i fokusuar vetëm tek Manchester United.

“Për momentin, futbolli me kombëtare nuk është diçka që kam menduar shumë”, ka thënë Januzaj.

“E di që së pari duhet të përqëndrohem në atë se çfarë bëjë për United sepse kjo është gjëja më e rëndësishme për momentin në karrierën time. Unë dua të luaj për United dhe të jap gjithçka për klubin tim.

Jam duke e shijuar këtë eksperiencë, kam luajtur disa ndeshje me rezervat vitin e kaluar dhe mendoj që kam luajtur mirë.

Prej atje, pata mundësinë që të shkoj në turneun para sezonal me skuadrën e parë dhe ishte një mundësi e mirë për mua që të tregoj se çfarë mund të bëjë për skuadrën.

Ishte një eksperiencë dhe që atëherë kam punuar shumë. Unë dua të luaj sa më shumë ndeshje që mundem dhe të bëhet lojtari më i mirë që mund të bëhem.

E di që më duhet të vazhdoj të punoj shumë, çdo ditë për ta arritur këtë. Unë duhet të jem gati, gati që ta kap rastin tim. Unë kam besim në aftësitë e mia dhe besoj që mund ta ndihmoj skuadrën”, ka përfunduar Januzaj. /Zëri/