Sadiku kërkohet në Zvicër, Cana besnikëri Lazios

E ardhmja e Armando Sadikut më shumë mundësi do të jetë në Zvicër, por jo te Lugano. Pasi dështuan besidimet për transferimin e sulmuesit shqiptar në Serinë A te Xhenoa dhe Livorno, tri skuadra të superligës zvicerane janë gati ta bëjnë të tyrin 22-vjecarin.

Saint Gallen, Young Boys dhe Lozana pretendojnë që në muajin janar Sadiku të pranojë ofertën e tyre, edhe pse për momentin nuk ka asnjë reagim nga Lugano që zotëron kartonin e tij.

E nëse për Sadikun priten zhvillime gjatë merkatos dimërore, një tjetër futbollist i kombëtares shqiptare, pikërisht Lorik Cana i shpreh besnikëri Lacios.

Kapiteni i kuqezinjve në një intrevistë të gjatë për prestigjiozen franceze “L’Equipe” është shprehur se nuk ka ndërment të ndërrojë ambient, të paktën edhe për disa vite, ndërsa nuk e përjashton mundësinë e rikthimit në futbollin francez në fund të karrierës së tij. Cana siguroi se nëse një ditë do të kthehet në Francë, ai do të veshë sërish bluzën e Olimpikut të Marsejës.