Ndeshja ndërpritet në minutën e 70

Gjilan – Ndeshja e xhiros së shtatë ndërmjet Dritës dhe Hajvalisë nuk e ka pritur përfundimin e saj, pasi në minutën e 70 ky takim është ndërprerë për shkak se disa simpatizues të Dritës kanë hy në fushë dhe kanë tentuar të sulmojnë futbollistin Sejdiu, që simuloi kishe ishte i lënduar dhe të irrituar nga ky veprim i këtij futbollisti hynë në fushë, gjersa nga kjo rrëmujë nuk është parë a është goditur ndonjë lojtar i mysafirëve apo jo.

Stadiumi i Qytetit në Gjilan. Shikues: 800 . Shënues: Doshlaku ’7 (Hajvalia,). Gjyqtarë: E. Janovaliu, L. Muhadri, M. Qehaja, G. Nuza. Kartoni i verdhë: Maloku, Mavriqi (Hajvalia,). Drita – Hajvalia 0:1 (0:1) ndërprerje në minutën e 70.

Drita: Latifi, Ahmeti, Hasani, Pajaziti, Syl (Aliu), B. Shabani, Berisha, Baxhuku (?ashari), Kelmendi, Xh. Shabani, Limani

Hajvalia: Maloku, Doshlaku, Gashi, Hashani, Makolli, Kastrati, Sejdiu, Zogijani, Mavriqi (Haklaj), Guraziu, Sahiti

Ndeshja e xhiros së shtatë ndërmjet Dritës dhe Hajvalisë nuk e ka pritur përfundimin e saj, pasi në minutën e 70 ky takim është ndërprerë për shkak se disa simpatizues të Dritës kanë hy në fushë dhe kanë tentuar të sulmojnë futbollistin Sejdiu, që simuloi kishe ishte i lënduar dhe të irrituar nga ky veprim i këtij futbollisti hynë në fushë, gjersa nga kjo rrëmujë nuk është parë a është goditur ndonjë lojtar i mysafirëve apo jo.

Futbollistët e Dritës nuk ishin as hija e skuadrës e cila para tri ditëve kishte mposhtur bindshëm Trepçën ’89. Nuk funksionoi asnjë repart e sidomos mbrojtja ka qenë katastrofave.

Në minutën e shtatë, B. Shabani mban topin në posedim më tepër se që duhej, këtë e shfrytëzon Doshlaku që ia merr topin dhe avancon nga e majta, gjuan në drejtim të portës fuqishëm, duke befasuar edhe Latifin që vetëm e shikoi topin si futej në rrjetë.

Rastet e Hajvalisë për shënim kanë vazhduar edhe në minutën e 22, jo që organizonin ndonjë sulm serioz, por këtë ia mundësonin mbrojtja vendase me reagime të ngadhta. Ahmeti duke dëshiruar t`ia kthej portierit Latifi topin, e lënë të shkurtër këtë top, Guraziu arrin topin para portierit, e kalon atë, por topi i ik nga posedimi, arrin ta zë dhe ta gjej në anën tjetër Sahitin, por Latifi arrin që para sulmuesit mysafirë ta kap topin.

Në minutën e 32, përsëri gabojnë mbrojtësit Hasani dhe Ahmeti, Sahiti këmbëshpejtë shfrytëzon këtë duke dal i vetmuar para Latifit, i cili kishte dal nga porta. Sulmuesi i Hajvalisë tenton ta parabollojë, por Latifi me majën e kishte prek topin për ta dërguar mbi portë.

Rasti i vetëm në këtë ndeshje për Dritën e pati Kelmendi në minutën e 38, kur nga gjuajtja e lirë godet në këndin e poshtëm të majtë të Malokut, por ky i fundit tregohet i shkathët duke dëbuar topin jashtë vijës fundore.

Pastaj vije minuta e 70, kur ndodh ajo që askush nuk e ka pritur, për t’u ndërprerë ndeshja. Gjyqtarëve iu është dashur mbi gjysmë ore për të marr vendim se çka të bëjnë dhe në fund pas konsultimeve përfundojnë këtë takim para kohe./rajonipress/