Bunjaku i lumtur me debutimin

Elitës së futbollit zviceran iu është shtuar edhe një tjetër futbollist shqiptar. Fjala është për të riun Imran Bunjaku, i cili të mërkurën mbrëma ka debutuar në garën më të madhe të futbollit zviceran, me ekipin e tij Grasshoppers.

Kjo e fundit e mposhti si mysafire Luzernin me rezultat 0:2, derisa futbollisti kosovar është inkuadruar në lojë në minutat e fundit. Me këtë rast reprezentuesi i Kombëtares U-21 të Shqipërisë është shprehur të jetë shumë i lumtur.

“Kjo është paraqitja ime e parë në Superligën e Zvicrës. Edhe pse nuk luajta shumë, por vetëm pak minuta, kjo është një kënaqësi e madhe për mua. Shpresoj të vazhdoj duke përparuar”, ka thënë pas ndeshjes Bunjaku, i cili që nga viti 2010 është pjesë e Grasshoppersit.