Sadiku, Muriçi e Shabani marrin shtetësinë shqiptare

Loret Sadiku, Vedat Muriçi, Labinot Shabani e Liridon Leci edhe zyrtarisht janë pajisur me shtetësi shqiptare.Kjo është bërë publike me dekretin numër 8325 të nënshkruar nga presidenti i Republikës së Shqipërisë, Bujar Nishani.

Mbrojtësi kosovar, i cili luan me ekipin suedez Helsingborgs, tash e tutje Loret Sadiku do të jetë në dispozicion të trajnerit Gianni De Biasi për dy ndeshjet e rashës kundër Zvicrës dhe Qipros.

Kurse, edhe sulmuesi kosovar i Teutës nga Durrësi, Vedat Muriqi do të jetë i gatshëm ta ndihmoj ekipin U-21 të Shqipërisë.

Pas marrjes së pasaportës shqiptare, edhe portieri i Ferizajt, Labinot Shabani do të ketë mundësin që t’i mbroj ngjyrat e ekipit U-19 të Shqipërisë.

Me shtetësi shqiptare është pajisur edhe mbrojtësi Liridon Leci, i cili aktivizohet te skuadra nga liga e dytë suedeze Landskrona BoIS.

28 vjeçari nuk ka pretendime të luaj me ekipin kuqezi, por shtetësia shqiptare i ka takuar pasi ë nga vitit 2006 e deri më 2011 ka jetuar në Shqipëri.