Stërvitet Mavraj, gati në tetor

Qendërmbrojtësi i kombëtares shqiptare dhe i skuadrës Greuther Furth ka lënë pas lëndimin që kishte javë më parë dhe iu është kthyer fushave të gjelbërta.

Mavraj, i cili mungoi në dy ndeshjet kundër Sllovenisë dhe Islandës, ka bërë stërvitje të diferencuar nga pjesa tjetër e ekipit dhe pritet që në fillim të muajit tetor të jetë plotësisht i gatshëm për klubin dhe për sfidat e përfaqësueses, kundër Zvicrës në Tiranë dhe Qipros në transfertë.

Kujtojmë se në fund të gushtit lojtari pati një inflamacion në gju dhe pas kontrolleve mjekësore, ishte konstatuar se lëndimi ishte më serioz nga çfarë ishte menduar dhe se lojtari duhej të pushonte, gjë të cilën edhe e ka bërë./Balkanweb/