Haliti synon titullin në Australi

Labinot Haliti është i gatshëm për ta ndihmuar skuadrën e tij, Western Sydney gjatë kampionatit të ri në elitën e futbollit australian.

Sulmuesi kosovar ka dëshmuar formë të lartë gjatë fazës përgatitore të ekipit të tij, me të cilin, në edicionin e ri, synon ta mbroj titullin e kampionit që e fitoi në kampionatin e fundit.

“Ne duam të jemi në krye dhe jemi të lumtur aty ku jemi. Presioni është i pranishëm në futboll dhe nëse përmirësohemi tërë kohën, do të jemi në rregull. Asgjë nuk ka ndryshuar nga viti i kaluar, ne duam të jemi më të mirë çdo ditë. Ajo që bëmë në ndeshjet përgatitore na dhanë besim. Qoftë ajo ndeshje miqësore apo garuese, kur fiton dhe shënon, kjo ta shton besimin”, ka deklaruar për Dailytelegraph Haliti, i cili i realizoi dy gola në fitoren e ekipit të tij prej 5:0 ndaj ekipit kinez Guangzhou R&F, në një turne aziatik…(Tribuna – Arena).