UEFA dënon me 27 mijë euro gjobë Kukësin

Pjesëmarrja e Kukësit në Europa Ligë, deri në fazën Play-off të këtij kompeticioni, përveçse ishte një arritje e padiskutueshme e futbollit shqiptar në arenën ndërkombëtare, pati edhe kosto financiare për shkak të sjelljes së tifozëve në shkallët e “Qemal Stafës”, ku nënkampionia e Shqipërisë i zhvilloi të gjitha ndeshjet brenda.

Të enjten, në adresë të klubit verilindor kanë mbërritur disa shkresa nga UEFA, që janë vendime të komisionit disiplinor të këtij institucioni. Kukësi është dënuar me 14 mijë Euro gjobë për shkak të hedhjes së shisheve dhe fishekzjarrene në përballjen me Sarajevon, ndërsa për për takimin me Metalurg Donjeck, shifra e gjobës është 13 mijë Euro.

Por Kukësi nuk ia hedh me 27 mijë Euro në total, sepse janë në shqyrtim edhe relacionet e sfidës me Trabzonsporin, që me siguri kanë prova të mjaftueshmë për ta dënuar skuadrën e Armando Cungut me një tjetër gjobë të majme./indeksonline/