Ibraimi përfundon te Cagliari

Sulmuesi shqiptar largohet më në fund nga Maribori i Sllovenisë drejt skuadrës së Serie A, Cagliari.Agim Ibraimi ka arritur marrëveshje me ekipin italian të Serie A, Cagliari.

Marrëveshja besohet se ka të bëjë me një futbollist për skuadrën sllovene, Maribor dhe para. Bëhet fjalë se Maribor do të marr shërbimet e Pablo Ceppelini dhe një dëmshpërblim prej 1.5 milionë euro.

Skuadra sllovene kishte kërkuar dëmshpërblim më të lartë, por marrëveshja është arritur me dhënien e kartonit të Ceppelinit.

Ibraimi, si transmeton sporti1, është angazhuar si zëvendësim për Thiago Ribeiro. Sulmuesi shqiptar i përfaqësueses së Maqedonisë ishte bashkuar me Mariborin në verë të vitit 2011 si lojtar i lirë.

Sulmuesi 25-vjeçar ka pasur një eksperiencë të hidhur në Turqi, shpresojmë se këtë herë do të kalojë më mirë. Ai në edicionin e fundit të futbollit në Slloveni është shpallur lojtari më i mirë i kampionatit.