Sadiku nuk largohet nga Helsingborg

Pavarësisht ofertave nga Turqia dhe Serie A, Loret Sadiku do të vazhdoj të luaj për skuadrën suedeze Helsingborg, të paktën edhe një sezon.

Ekipi turk, Rizaspor kishte bërë ofertë zyrtare për Sadikun, por ishte refuzuar nga Helsingborg , derisa thuhej se interesim kishin shprehur edhe dy ekipet italiane Bologna e Verona.

“Tani për tani interesimet e klubeve janë ftohur. Unë do të vazhdo në Helsingborg”, ka deklarua mbrojtësi kosovar për uebfaqen suedeze HD.se

Sadiku, në janarin e vitit 2012 nga ekipi i ligës së dytë suedeze Värnamo ishte transferuar te skuadra e Helsingborgsit, me të cilët deri më tani ka luajtur 29 takime dhe ka realizuar dy gola.