Ismaili: Drita udhëton për pikë maksimale!

Gjilan – Klubi Futbollistik Drita nga Gjilani, optimiste ndaj Fushë Kosovës. Nuk na interesojnë rezultatet e tjera ne shkojmë për pikë maksimale, Fushë Kosovën nuk e njohim, por ne do të shkojmë për fitore dhe shpresojmë në një gjykim të drejt pa anime e jo si javën që lamë pas ,70 minuta për lojtar e 20 për doktor tha nënkryetari i bordit Besim Ismaili.

Këtë vikend që lamë pas KF “Drita” luajti baras në fushën e vet gjë që na bëri të mos ndihemi të relaksuar, faji nuk ishte tek futbollistët tanë sepse ata dhanë maksimumin në fushë, por problem ishte tek zemërbutësia e Ilir Shuletes që nuk dha karton për të pa përgatiturit thotë Besim Ismaili nënkryetar i Bordit të Dritës.

Ismaili tha se sa i përket komponimit të lojës “Drita” është duke ndërtuar një skuadër stabile po me këtë fond që ka, krahasuar me vitin e kaluar që kishte lojtar si Abazi, Foniqi , Caka , Osmani, Sermaxhaj, Rama etj, lojtarët që kanë ardhur janë duke u komponuar mjaft mirë dhe prej lojës në lojë ata do të shkëlqejnë dhe me nder do t`i mbrojnë ngjyrat bardh e kaltër të klubit Drita.

“Nuk na interesojnë rezultatet e tjera ne shkojmë për pikë maksimale, Fushë Kosovën nuk e njohim, por ne do të shkojmë për fitore dhe shpresojmë në një gjykim të drejt pa anime e jo si javën që lamë pas ,70 minuta për lojtar e 20 për doktor” tha nënkryetari i bordit Besim Ismaili./rajonipress/