Duhani dëmton sistemin nervor të fetusit

Fëmijët, nënat e të cilëve kanë pirë duhan gjatë shtatzënisë, janë më të rrezikuar që të vuajnë nga simptomat psikotike, siç janë deluzioni dhe halucinacionet, njoftojnë shkencëtarët britanikë.

Në një studim ku janë përfshirë një grup fëmijësh 12-vjeçarë është treguar se këto simptoma ishin për 20 për qind më të shpeshta te fëmijët nënat e të cilëve kishin qenë duhanpirëse edhe gjatë shtatzënisë.

Shkencëtarët pohojnë se rreziku për shfaqjen e këtyre simptomave ishte për 84 për qind, nëse nënat e tyre çdo ditë kishin tymosur nga 20 cigare. Llogaritet se 15% e femrave vazhdojnë të pinë duhan edhe gjatë shtatzënisë./mjekuNet/