Nën patronatin e komunës mbahet turneu tradicional “Raci – Reshi – Bezi”

Gjilan – Të dielën nën patronatin e Komunës mbahet turneu tradicional Raci – Reshi – Bezi. Kryetari i këshillit organizativ të turneut njëherit nënkryetar i bordit Besim Ismaili tha se KF”Drita” do të përkujtoj edhe Presidentin e ndjerë Selami Osmanin (Bezi).

Në turneun tradicional “Raci – Reshi – Bezi” , turne ky i cili organizohet nën patronantin e komunës së Gjilanit në bashkëpunim me klubin futbollistik “Drita”do të marrin pjesë edhe ekipe nga vendi si KF “Gjilani”, KF”Trepça” ,dhe KF” Liria”.

“Presidenti i ndjerë Selami Osmani – Bezi duhet të jetë në mesin e dy ish bashkëpunëtorëve të tij të ndjerëve Raci&Reshi. Pas kërkesës së klubit kjo u mor parasysh dhe me kënaqësi nga Drejtoria e Kulturës e udhëhequr nga Veton Nevzadi” tha kryetari i KF “Drita”, Ismajl Rashiti.

Nevzadi ndihet i privilegjuar që është pjesë e këtij turneu duke konsideruar se ky organizim është mënyra më e mirë se si përkujtohen këto tri figura të sportit gjianas dhe kosovar.

Kryetari i klubit Ismajl Rashiti u shpreh i kënaqur që është vendosur emri i Selami Osmanit përkrah dy figurave që dhanë shumë për sport siç janë Raci& Reshi.

Të kujtojmë se ish Presidenti i Dritës para dhe pas luftës ka kontribuar gjithçka që ka pasur afër vetes, tha Saqip Shala kryetar i bordit dhe bashkëpunëtori i Presidentit të ndjerë./rajonipress/