Elegji për profesorin Xhevat Ismaili

Teksti dhe muzika : Demir Krasniqi
N’ fshat të Kopernicës –
Atje n’ atë rrëzë shpati ;
Porsi yll i dritës ,
U lind djalë Xhevati !

Herët i vdiq baba –
N’ atë spital të Vrajës !…
Mbet nën përkujdesje
Të gjyshes dhe nënës !

Për t’ mos bërë gjynahe ,
Si rritet fëmija –
Ish gjyshja Gjylshahe
Edhe nënë Fetija !

Jo veç nënë Fetija
Dhe gjyshja Gjylshahu ,
Por dhe xhaxhallarët –
Zahiri e Isahu …

Familja e Xhevatit –
Gëzonte shumë respekt ,
Jo veç n’ rreth të fshatit ,
Por dhe në qytet !

Ninullat e gjyshes
Dhe të nënë Fetijes –
Si zog t’ dallëndyshes
E çuan drejt muzikës !

Mirë këndonin vëllezërit –
Hyseni e Mehmeti !
Fort kumbonte zëri
I motrës – Ilfetit !

N’ dasma dhe n’ ahengje –
Shtrohej muhabeti !
Mirë ia thoshin këngës –
Seç shtohej lezeti !

N’ programet festive ,
Në shkollat fillore –
Merrte pjesë aktive
N’ programet shkollore !

Herë këndonte n’ kor ,
Herë solist këngëtarë ,
Herë bënte humor ,
Herë ishte valltarë !…

Si në Kopërnicë ,
Ashtu në Hogosht –
N’ moshën e rinisë ,
Ai nuk kishte shoq !

Djali i Kopërnicës ,
S’ mund të zinte vend –
Shkoi në shkollë t’ muzikës ,
Atje në Prizren !

Atje t’ gjithë shqiptarëve
Iu ngjitej nga ‘i bisht ,
Se mësimet zhvilloheshin
Vetëm në serbisht ?!

Edhe në Prizren ,
Jashtë bankave shkollore –
Kudo ish prezent
N’ jetën kulturore !

Pasi në Prizren ,
Mbaroi diplomim –
Në Gjilan , ai vjen
Që t’ punojë n’ arsim !

Biri i Kopernicës –
Pedagog i Gjilanit ,
Pishtar i muzikës ,
Çelësi i pentagramit …

Mjeshtër i fizarmonikës ,
Si bylbyl nga mali ,
Ai pishtar i dritës –
Prof. Xhevat Ismaili !

Në shkolla të mesme
Dhe n’ ato fillore –
Punonte shumë zellshëm
N’ jetën kulturore !
Nuk kursente vetën –
Tërë mundin e shkrini !…
Seç ia zgjaste jetën –
Shoqërisë “Zenel Hajdini”!

Për nevoja t’ trevës –
Nuk e njihte frikën !
Ia mësyu Sarajevës –
Ta studiojë muzikën !

Atje gjatë gjithë kohës ,
Sa studioj muzikën –
Nuk e lëshoi prej dorës ,
Kurrë fizarmonikën !

N’ tinguj t’ këngës shqipe –
I shtohej frymëzimi !
Me fizarmonikën –
Në Shoqërinë “Lulëzimi”!

N’ qendrat jugosllave ,
Në shumë festivale –
Seç përhapte këngën
Tonë tradicionale !

N’ Gjilanin legjendar ,
Biri i Kopërnicës –
Qe bashkëthemeltarë
I shkollës së muzikës !

Gjithë natën e ditën ,
N’ punë pedagogjike –
Ligjëronte muzikën ,
Lëndën Metodike !

N’ shkollë pedagogjike ,
Që quhej “Skënderbeu” ;
Me ligjërime metodike –
Zemrat na i rrëmbeu !

Jo veç në praktikë ,
Por dhe në shumë letra ;
Për art dhe muzikë –
Na i ka lanë shumë vepra !…

Veprat me shumë nam –
Do t’i kuptojë bota !
I gjejmë n’ pentagram ,
I gjejmë dhe në nota !

Profesor Xhevatin –
T’ gjithë do ta kujtojmë !
Me veprat dhe artin –
Krenarë do t’ jetojmë !

Gjilan, më 13.07.2013.