Krasniqi transferohet tek Aachen

Sulmuesi shqiptar me pasaportë gjermane, Abedin Krasniqi është lojtar i ri i skuadrës së famshme gjermane, Alemania Aachen. Krasniqi te Aachen është transferuar si lojtar i lirë pasi i skadoi kontrata me ish-skuadrën e tij, Elversberg.

Trajneri i Aachen, Peter Schubert është shprehur shumë i kënaqur me prurjen e Krasniqit në skuadër. “Ne jemi shumë të kënaqur me arritjen e Abedin Krasniqit në skuadër.

Ai është një sulmues shumë i mirë që ka treguar formë të lartë në dy vjetët e fundit dhe do të na ndihmojë edhe ne për t’u rikthyer përsëri në ligën e tretë. Me Abedinin në skuadër edhe loja jonë sulmuese do të ngjallët më shumë”, tha Schubert.