E shantazhonte përmes rrjeteve sociale, arrestohet i dyshuari

Gjilan – Policia e Kosovës pas një pune operative kanë arrestuar të dyshuari Shqiptar shtetas i Kosovës, pasi që i njëjti në periudhën kohore Janar-Mars 2017 përmes rrjetit social “Facebook’’ nga viktima mashkull shtetas i Kosovës që punon në Zvicër, në mënyrë sistematike ka kërkuar që t`i dërgoj para nga Zvicra duke e shantazhuar viktimën se nëse nuk i dërgon parat e kërkuara do i publikoj apo do tua dërgon familjarëve të tij bisedat me përmbajtje erotike të cilat viktima dhe i dyshuari i kishin zhvilluar në rrjetin social “Facebook’’.

Nga hetimet e zhvilluara mësohet se i dyshuari fillimisht kishte hapur një llogari të rreme në “Facebook” në emër të një femre në të cilën llogari kishte postuar fotografi të një femre dhe pasi kishte vendos kontakt me viktimën nga i cili edhe kishte arrit që të merr edhe foto personale, kishte filluar ta shantazhoj duke i kërkuar para.

Me qëllim të ruajtjes së imazhit dhe i ndodhur nën presion, viktima disa herë i kishte dërguar para nga Zvicra të dyshuarit përmes bankës “Western Union”.

Me urdhër të Prokurorit i dyshuari ndalohet për 48 orë. Rasti është duke u hetuar njoftoj Ismet Hashani./rajonipress/