Ish punëtorët e “Morava e Binqës” kërkojnë të hollat e trustit pensional

Gjilan – Rreth 756 paditës ish punëtor të “Morava e Binqës” edhe pse e kanë fituar kontestin gjyqësor ku kanë marrë aktgjykim pozitiv ata ende nuk kanë arritur ti8 marrin parat e trustit. Punëtorët fajësojnë AKP dhe kërkojnë me ngulm që të hollat siç thonë ata të paguara nga djersa e tyre tu kthehen të gjithë punëtorëve.

Mbi 756 ish punëtor të “Morava e Binqës” po kërkojnë një të drejtë elementare, të hollat e grumbulluara nga trusti pensional i Kosovës.

Gjykata Komunale në Gjilan në vitin 2009 kishte marrë vendim pozitiv për grupin e të paditurve, por ky aktgjykim ende nuk po zbatohet.

Ukshin Ukshini njëri nga punëtorët e ish “Morava e Binqës” thotë se është e padrejtë që këta punëtor shumica hallexhinj mos ta marrin djersën e paguar me mund. “Ne i kemi fituar të gjitha betejat ligjore, por me gjasë AKP-ja e ka stopuar pagesën tonë” shprehet ai.

Punëtorët shumica e tyre tashmë edhe të moshuar janë të nervozuar dhe me të drejtë presin që dikush t`ju japë përgjigje rreth rastit të tyre.

Ata thonë se e kanë paguar trustin që nga viti 2003-2010 dhe nuk e kanë të qartë pse nuk po zbatohet vendimi i Gjykatës./rajonipress/