S’ka konstituim pa marrëveshje

Gjasat që këtë të enjte të vazhdojë seanca konstituive e Kuvendit të Kosovës e thirrur nga Blloku LVAN, janë minimale. Kundër mbajtjes së kësaj seance është deklaruar Partia Demokratike e Kosovës, si fituese e zgjedhjeve parlamentare të 8 qershorit. Kjo parti jo vetëm që nuk e ka ndërmend të shkojë në seancën e thirrur nga Blloku, por është duke punuar në parandalimin e saj. E nëse nuk e arrin këtë, atëherë partia e Hashim Thaçit do t’i drejtohet Gjykatës Kushtetuese për të kërkuar interpretim për çdo vendim që mund të merret në këtë seancë.

Burime të gazetës Tribuna, brenda PDK-së, bëjnë të ditur se kjo parti nuk do të pranojnë asnjë vendim që del nga seanca e thirrur nga LVAN. PDK sipas këtij burimi është duke bërë përpjekje që para mbajtjes së seancës të arrihet një marrëveshje në mes të liderëve partiakë për dalje nga kriza, në të kundërtën çdo seancë do të konsiderohet e jashtëligjshme.

“PDK nuk do të lejojë që të nëpërkëmbet vullneti i qytetarëve të cilët votuan më 8 qershor. Andaj ne jemi që fillimisht të arrijmë një marrëveshje, e pastaj të caktohet data e mbajtjes së seancës. Por nuk do të pranojmë që të tjetër të thërrasin seancë”, i ka thënë ky burim gazetës…(Tribuna).