Fshihen burimet e financimit të ndërkombëtarëve të Kushtetueses

Gjykata Kushtetuese me gjyqtarë vendorë që nuk paguhen njësoj dhe me ndërkombëtarë që realizojnë të ardhura nga shumë burime, shkruan sot Koha Ditore. Gjyqtarët ndërkombëtarë të Kushtetueses paguhen shumëfish më shumë se vendorët.

Deri në fund të gushtit, ata kanë realizuar të ardhura bazë nga BE-ja dhe kanë siguruar mbështetje mujore financimi edhe nga dy shtete – SHBA-ja dhe Norvegjia.

Që të tre kanë realizuar të ardhura të kohëpaskohshme edhe nga Qeveria e Kosovës, në formë të shtesave.

Vendorët realizojnë të ardhura vjetore rreth 30 mijë euro, përjashtuar kryetarin e Gjykatës që ka rreth 10 mijë më shumë.