Pa vullnet politik, s’ka zgjedhje

Kosova nuk mund të shkojë në zgjedhje të jashtëzakonshme pa vullnetin e subjekteve politike parlamentare. Kështu vlerësojnë ekspertët zgjedhorë, duke shtuar se liderët politikë duhet të gjejnë zgjidhje për të dalë vendi nga ngërçi politik, qoftë edhe për ta çuar vendin në zgjedhje të reja.

Driton Selmanaj, nga Instituti Demokratik i Kosovës (KDI), ka sqaruar për “Zërin” se Kushtetuta e Kosovës i ka përcaktuar katër mundësi se si duhet të shkohet në zgjedhje.