82 shkolla pilotojnë kurrikulën pa mjetet e duhura mësimore

Vitin e kaluar pilotimi i kurrikulës së re parauniversitare në dhjetë shkolla ka vënë në pah një sërë vështirësish.

Kryesoret mbeten mungesa e teksteve dhe e pajisjeve mësimore, si dhe trajnimi i mësimdhënësve për përdorimin e teknologjisë informative. Këtë vit në këtë proces janë futur edhe 72 shkolla të reja, kurse pilotimi është refuzuar nga shkollat e nacionalitetit serb, me gjithë ftesën e bërë nga Ministria e Arsimit.

Sipas një dokumenti të përpiluar nga kjo ministri, vështirësitë që kërkojnë zgjidhje në vazhdim janë: plani mësimor; gjuha angleze në arsimin fillor; gjuha e dytë e huaj nga klasa e 6-të; kurrikula me zgjedhje; rritja e bashkëpunimit në mes MASHT-it, DKA-ve, shkollave, prindërve dhe komunitetit; bashkëpunimi me organizata qeveritare dhe joqeveritare, si dhe pajisja e shkollave me mjete mësimore./koha/