Malli për Gjilanin

Gjilani një pjesë e degës sime, Pjesë e trungut të emrit tim,
Po e hapa arkivin kujtesës.

E shoh bukuroshen
Si dikur dhe si sot
Kodrës së Luleve
Po i hypa në shpinë

Malli më zdirgjet
Grykës së Karadakut
Saherë i laj sytë
Me ujt e Moravës

Më shprishet kujtimi i thinjur
Je emër i shpirti tim të vrarë
Me gurzi i ndarë
Për një urë bashkimi
Forca më mungon

E zemra më gufon
Hej… sa shumë mallnohem
Për Gjilanin e vjetër dhe të ri
Mallnohem edhe për ty dashuri

Bilall Maliqi