Ndihmohen familjet skamnore në Artanë

Gjilan – Komuna e Novobërdës në bashkëpunim me IOM-in ka ndarë familjeve të rrezikuara sociale një ndihmë modeste me miell.

Udhëheqja komunale e Artanës dhe përfaqësuesi i IOM-it Nebojsha Tasevski kanë dërguar familjeve të rrezikuara sociale miell në fshatrat: Parallov, Zebinc, Bostan, Vllasali dhe Borocanc.

Përmes projektit për stabilizimin e komuniteteve që e implementon Organizata Internacionale për Migracion – (IOM) Sasia e miellit është siguruar e cila ka qenë në dispozicion për komunën e Novobërdës. Komuna me këtë rast i ka zgjedhur familjet të cilave u është më se e nevojshme një ndihmë e tillë dhe të njëjtën e ka ndarë.

Komuna e Novobërdës gjithherë ka pasur parasysh familjet më të rënda sociale dhe këtu jemi sot me ju dhe do të ju ndihmojmë deri kur është e nevojshme, theksoi Ivanoviq./rajonipress/