Tuna konfirmon serinë e dytë të turneut Fenix Tour

Tuna pas suksesit të projektit “MMV” ka konfirmuar në mes të sezonës se po fillon një seri tjetër të turneut Fenix – Fenix Tour 2.Ky vendim i Tunës dhe i menaxhmentit të saj erdhi më 28 korrik, natën e parë të Bajramit, kur këngëtarja në Pejë filloi serinë e dytë të turneut të saj të përbashkët me Cozman.

Fenix Tour filloi vitin e kaluar dhe Tuna e Cozman pasi shijuan suksesin e superhitit “Fenix”, kanë vazhduar me koncertet e shumta.

E koncertet e shumta kanë vazhduar edhe këtë verë. Por, këngëtarja dhe reperi kanë vendosur që bashkë me menaxhmentin e tyre të ndërrojnë formën e koncerteve.

Telegrafi mëson se Tuna po angazhohet maksimalisht për të ndërruar formatin e koncerteve, dhe pos që t’i bëjë ato 100 për qind live, po punon që ato të jenë më spektakolare.

Ajo Fenix Tour 2 e konfirmoi në Facebook me një video, duke shkruar: “Ju ftoj që të shikoni video dhe të kuptoni se çfarë po ju pret në serinë e dytë të turneut të përbashkët – Fenix Tour 2”.

“Fenix Tour 2 ka filluar nga data 28 Korrik dhe do të vazhdojë një kohë shumë të gjatë, derisa të kemi prekur çdo cek ku ka shqiptarë, e derisa të kemi shpalosur çdo ku performancat speciale për ata që na përkrahin. Po na pret një verë e nxehtë bashk”, ka shkruar Tuna në faqen e saj zyrtare në Facebook.

Tuna shumë shpejt do të festojë edhe milionin e dytë të videoklipit “MMV” që tashmë ka kaluar projektin e Ledrit dhe Dafina Zeqirit “Got Your Back”. /Telegrafi/