Clinton: Gruaja ime nuk është këshilluar me mua

Ish presidenti i Shteteve të Bashkuara të Amerikës, Bill Clinton, ka pranuar se as ai vetë nuk e di nëse gruaja e tij, Hillary Clinton, do të garojë për postin e presidentit, në vitin 2016.

Ai ka thënë për CNN të hënën se gruaja e tij nuk e ka kërkuar këshillën e tij për këtë gjë, por sipas tij ajo me të vërtet ka nevojë të mendojë pak rreth kësaj pune.

“Ne kemi arritur në një pikë në jetën tonë, kur ne mendojmë se ju me të vërtetë nuk duhet të kandidoni për poste në qoftë se ju nuk keni një ide të qartë se çfarë mund të bëni dhe një kontribut të veçantë që ju mund të bëni dhe të mund të keni një planë ”, tha Bill Clinton.

Clinton theksoi se “çfarëdo që ajo bën është mirë dhe janë vendime që vetëm ajo mund t’i merr”. Ai po ashtu nuk harroi të theksoj se gruaja e tij është personi më i aftë publik me të cilin ai ka punuar.