Mustafa: LDK do ta mposhtë PDK’në e korruptuar

Kryetari i Lidhjes Demokratike të Kosovës, Isa Mustafa u shpreh nga Prishtina se alternativa e LDK-së është e vetmja që përkrah qytetarët dhe që mund të mposhtë partinë në pushtet, PDK-në e Thaçit.

Sipas tij, për këtë arsye LDK nuk do të bëjë asnjë koalicion me asnjë parti tjetër politike, përveç se me qytetarët e Republikës së Kosovës.

“Alternativa e vetme për ta rrëzuar qeverinë e tanishme dhe për ta dërguar në opozitë qeverinë e deritanishme që e ka degraduar vendin është LDK-ja. Vetëm ne mundemi ta mundim PDK-në dhe ta çojmë në opozitë. Ne na nevojitet koalicioni me qytetarin, përkrahja e qytetarëve të Kosovës, që ta rrisim votën e LDK-së. Ne këto ditë po e vërejmë se jemi bashkë me qytetarin dhe këto zgjedhje do t’i fitojmë me qytetarët”, është shprehur Mustafa.

Në fund, ai tha se me LDK-në në qeveri, qytetarët do të gjejnë një shtet ligjor dhe të drejtë.