UP-ja vendos të shpërblejë punimet shkencore false

Universiteti i Prishtinës ka hartuar një rregullore të procedurave vlerësuese për zgjedhjen dhe avancimin e personelit akademik, e cila mundëson poentim të lartë edhe të punimeve shkencore të dyshimta.

Tri punimet e ish-rektorit Ibrahim Gashi, sipas rregullores, tërheqin pikë sa dy që botohen në revista me impakt faktor.

Nevoja për t’u precizuar procedura e përzgjedhjes së stafit akademik, përfshirë dhe vlerën që duhet pasur në këtë proces puna shkencore, është shtruar pas skandalit të mashtrimit që pati bërë ish-rektori Gashi, shkruan Koha Ditore.