Fatmires ia do me mbiemrin e burrit, shënon tre gola

Fatmire Alushi ka arritur të shënojë tre gola për Gjermaninë në kuadër të kualifikimeve për Kupën e Botës te femrat. Gjermani triumfoi 9:1 ndaj Sllovakisë.

Fatmire Bajramaj ka shkëlqyer me mbiemrin e saj të ri, Alushi. Bashkëshortja e anëtarit të Përfaqësuese së Kosovës, Enis Alushi, pati një top-paraqitje me Përfaqësuesen e femrave të Gjermanisë.

Fatmirja arriti të realizojë plot tre gola në fitoren bindëse 9:1 që Gjermani e shënoi ndaj Sllovakisë.

Kjo sfidë ishte e vlefshme për kualifikimet për Kupën e Botës te femrat, teksa ndeshja u zhvillua në Gjermani.

Alushi golat e saj i realizoi në minutat 2, 35 dhe 70-të, teksa gjashtë minuta pa përfunduar takimi u ndëshkua me karton të verdhë.

Me këtë fitore, Gjermania tani ka 24 pikë në Grupin 1, duke fituar të gjitha tetë ndeshjet.

Pjesë e këtyre kualifikimeve është edhe Kombëtarja e Shqipërisë, mirëpo kjo e fundit ka shënuar vetëm një fitore dhe mban pozitën e pestë në Grupin 5.