Në përkujtim të 15 vjetorit : Masakra e Llashticës ( Rapsodi historike )

Në muajin Prill, Nëntëdhjetë e Nëntë – Gjëmë e vaj në t’ katër anët ! Vijnë kasapët prej Serbisë – Bëjnë masakër në Llashticë !

Vijnë ushtria e milicia –
Me plaçkitë , me djegë shtëpia !
Vijnë xhelatë paramilitarë –

Hiq pa faj vrasin shqiptarë !
Vrasin, presin , masakrojnë ,
Përdhunojnë e pushkatojnë !…
Djegin shpija , djegin dhoma ,

Pa mëshirë djegin kufoma !…
Në Llashticë , më 13 Prill –
I kanë djegë 13 civil !
Kanë djegë njerëzit për së gjallë ,
Fshatin n’ flakë e kanë kallë !
30 Prilli , n’ tym e n’ zjarr ,
Banë masakër të pa parë ,
Vetëm pse ishin shqiptarë –
23 civilë janë vrarë !

Këta njerëz të pushkatuar –
Kurrë nuk kem për t’i harruar !
Do të prehen n’ përjetësi ,
Do t’ jetojnë në histori !
N’ piedestalin e lavdisë –
Pushojnë n’ kopsht të pavdekësisë !
Bijë e bija të Nënë lokes –
Dritë lirie të Kosovës !

Me respekt në shpirt e zemër –
Do i kujtojmë emër për emër !
Gjithë martirët e këtij vendi –
Si e do nderi , si e do rendi !
Ra Hysen Deli Hyseni ,
Ra Mihrije Deli Hyseni ,
Ra Ajshe Hysen Hyseni ,
Ra Fazli Hysen Hyseni !…
Ra Arife Fazli Hyseni ,
Ra Driton Fazli Hyseni ,
Ra Blerim Ramadan Halili –
Dritë lirie shkrepë kandili !…
Ra Rifat Xhemajl Shabani ,
Selami Rifat Shabani ,
Zijavere Ejup Shabani ,
Fisnik Selami Shabani !…

Nga vrastarë , t’ ardhur prej Nishi –
Ra Sylejman Ymer Ibishi !
Gjak shqiptari , s’ ngihet bisha –
Ra Xhavit Banush Berisha !…
S’ pushoi dhuna, s’ pushoi krimi –
Ra Ali Bejtë Selimi !
Zbrazë rafalët krimineli –
Ra Enver Sylë Murseli !…
Tym e flakë fshatin fashiti –
Ra Ymer Kadri Rashiti !
Gjëmë e vaj fshatin përfshiu –
Ra Lulzim Feti Musliu !…
Ra Rukije Qazim Ramushi ,
Ra Habibe Idriz Ramushi ,
Ra Nezir Hasan Ramushi –
Malli për ta djeg si prushi !…
Ra Xhyzide Shaban Hasani ,
Ra Lirim Nehat Shabani !…

Kështu banë krime serbë cergari –
S’ ngihet kurrë me gjak shqiptari !
Me nderime mot pas motit –
I kujtojmë martirët e kombit !
Brez pas brezi ndër gjenerata –
Ua shkruajmë emrat n’ shkronja t’ arta !

Përpos krimeve me shumë mënera –
Ata banë shumë dame tjera !…
Nuk u ngopën dot me krime –
Banë plaçkitje e dhunime !…
Gjithçka n’ sy për t’ keq e marrin –
Shumë shtëpive ua futën zjarrin !
Dogjën 123 shtëpi ,
Dogjën shkollë edhe xhami !…
Dogjën librat , bibliotekën ,
Ambulancën , apotekën …
137 objekte ndihmëse ,
Shumë pajisje për amvise !…
Kriminelët e Serbisë –

Mirë ia dinë rendin hajnisë !
Shpi për shpi, oborr m’ oborr –
I kanë vjedh 90 traktorë !
Vodhën 120 kultivatorë –
Jo ma hatër, por me zor !
Vodhën 3 autokombajna –

Me u dëshmua se janë hajna !
I kanë vjedhë 3 kombibusa –
Me i vozitë bisha e arusha !
E kanë vjedhë 1 kamion –
Se plaçkitjen e kanë zakon !
Kriminelët turra – turra –
Vodhën 130 vetura !
680 kafshë të trasha –

Kanë plaçkitë nëpër këto fshatra !
Le ta marri vesh Evropa –
Kriminelëve iu pengon lopa !
Le ta dijë gjithë bota mbarë –
Çfarë banë serbët mbi shqiptarë !

Demir Krasniqi
Gjilan, më 13 Prill 2014.