Perëndeshat seksi të bukurisë, ku ndodhen ato sot?

Ato kanë qenë dikur ikonat e bukurisë së Kosovës. Fituan festivale, nënshkruan kontrata pune me firma prestigjioze të modës. Por, ku janë sot?

Diellza Kolgeci, Agnesa Vuthaj, Marigona Dragusha, Afërdita Paqarada, Afërdita Dreshaj e shumë të tjera ndërkohë kanë qenë ikonat e bukurisë kosovare.

Përfaqësuan dinjitetshëm vendin tonë në garat ndërkombëtare, me Marigona Dragushën që ka arritur sukses të konsiderueshëm si miss shoqëruesja e dytë e Miss Universit.

Nga ana tjetër edhe pse s’kishte një sukses të tillë, Agnesa Vuthaj qysh prej se u zgjedh miss në vitin 2004, nga viti 2006 organizoi spektaklet e saj të bukurisë dhe është ndjeshmërisht e suksesshme në biznes me lokalin e saj në Grand Store

Afërdita Paçarada po ashtu është një biznesmene e suksesshme. Ajo ka hapur agjencinë e saj të modës ku krijon kreacione të ndryshme të veshjeve elegante dhe po drejton me sukses biznesin e saj.

Afërdita Dreshaj e cila u zgjodh Miss Universe Kosova vite më parë, prezantoi shqiptarët denjësisht në konkurrset e huaja dhe nga ai moment mori oferta shumë të mëdha për fotosesione dhe bashkëpunime tjera. Por, ajo është prezente edhe në skenën e muzikës, ku është aktive dhe ka edhe një hit, të titulluar “Superstar”.

Diana Avdiu është një tjetër emër i njohur, që pos për ndërrimin e të dashurve në mënyrë të shpeshtë, nuk njihet për hapjen e ndonjë biznesi. Ajo është aktive me fotosesione sepse ka oferta nga kompani të ndryshme për këtë./KlanKosova/