700 metra – Letra më e gjatë e dashurisë, e shkruar në asfalt

Për të shpallur dashurinë e tij të madhe nuk ka mjaftuar letra dhe as e gjithë teknika elektronike.

Prandaj, një person nga Berna me emrin Thom ka gjetur një mënyrë më origjinale për ta bërë këtë: ka zgjedhur asfaltin e një rruge në Bernë, më saktësisht, mbi 700 metra të këij asfalti, ku ai ka shkrirë gjithë pasionin që ka pasur për të dashurën e tij.

Me shkumës ai ka shkruar letrën mbase më origjinale të dashurisë, të dekoruar edhe me plot 3000 yje, shkruajnë 20minmuten, Blick, etj.

Ndërsa, në distanca disametërshe ai ka vendosur nga një “kapitull” të dasurisë së tij tetë vjeçare. “Zemra ime, para 3000 ditësh unë kam marrë puthjen e parë nga ti, puthjje që ma ka ndryshuar jetën. Për secilën ditë të kaluar unë ta dhuroj ty nga një zemër”, thuhet veç tjerash në “letrën” që duket se është shkruar natën e mbrëmshme.

Në përmbyllje të letrës së tij, Thomy e siguron të dashurën se ai “vazhdon të jetë aty, kurdo që ajo të ketë nevojë për të”. Dhe, ashtu siç mund edhe pritej nga çdo letër dashurie, letra origjinale e Thomy-t e shkruar me shkumës në një rrugë të Bernës kurorëzohet me një “Të dua” të madhe.