6 turq e lëndojnë rëndë shqiptarin

Dy truprojat që kishin dashur t`i shkonin atij në ndihmë, janë sulmuar po ashtu dhe njëri prej tyre ashtu si dhe një polic, kanë pësuar lëndime të lehta.

Të dielën në orën 6.30 kur një shqiptar 33 vjeç deshi të hynte ne “Saxophon Bar” të Bazelit, ai u sulmua dhe u rrah nga disa persona. Për pasojë, ai ka pësuar plagë serioze, ndërsa veç tij janë lënduar edhe një bodigard dhe një polic.

Sipas policisë, shqiptari me shtetësi zvicerane është gjuajtur me gjësende të ndryshme dhe është goditur deri sa është rrëzuar nga personat që gjendeshin në hyrje të lokalit. Ndërsa, kur dy truprojat kishin dashur t`i shkonin atij në ndihmë, ata janë sulmuar po ashtu dhe njëri prej tyre ka pësuar lëndime të lehta. Megjithatë, ata ia dolën ta nxjerrin viktimën nga lokali

Pak kohë më vonë, kur arriti policia në vendin e ngjarjes, një polic u qëllua me një copë xhami dhe po ashtu u nda mei lëndime të lehta. Polici dhe bodigardi u desh të shkonin në spital bashkë me 33 vjeçarin që ka pësuar lëndime të rënda, kryesisht në kokë.

U desh të vinin disa patrulla të policisë që të mund të arrestonin sulmuesit, gjegjësisht gjashtë pjesëtarë të një familjeje turke, nga 19 deri në 44 vjeçarë.

Motivi i sulmit mbetet i paqartë, shkruan Basellandschaftliche Zeitung. Sipas zëdhënësit të policisë mund të jetë fjala për një mosmarrëveshje për të holla.(albinfo)